السلام عليكم ورحمة الله تعالى وبركاته
غنعطيكم واحد السر باش يجيوكم البسيطلات مقادين و مهازينش بزاف العمارة يعني اقتصاديين المهم انا مصورتش الطريقة غنقولها غير بفمي حيت مساليتش نصور المراحل و غنشرح و الكل غيفهم
ندوزو للصور و من بعد المقادير و الطريقة
المقادير=
حسب عدد البسيطلات انا غنعطيكم مقادير 22 بسيطلة
البكية الفرميسيل الحمراء اللي كيكونو فيها 8 كناخدو منها 2 وحيدات حيت البكية الزرقاء كتعجن الحمراء احسن
حك شامبنيون زلافة صغيرة من الحوت ابيض اي نوع عندكم ميرنا فرخ ادا لم يتوفر نعملو فبلاصتو هبرة بيبي كتجي بحال الحوت
رابعة كروفيت منقي
نص كيلو الورقة
شوية الزبدة و الزيت و البيض مطرب باش نلصقو
2 ضريسات تومة محكوكة شوية الربيع مقطع رقيق كنور الحوت ملح ابزار كمون هريسة تحميرة و نص حامضة مرقدة مقطعة رقيقة و زيتون اخضر مقطع رقيق
الطريقة =
كناخدو شوية الزبدة نشحرو فيها الكروفيت مع قليل من الملح و الابزار نهزوالكروفيت و نشحرو الشمبنيون حتى هو الحوت كنبخروه و نفرتتوه اما الا كان الهبرة بيبي كنصلقوها منكتروش الماء ونعملو معاه شوية صوجا حبات قرنفل وورقة موسى و نص بصلة نخليوه حتى يوكح الماء عاد نفرتتوه كيجي منسم غزال و كنفرتتوه
الفرمسيل كنكب عليها الماء طايب ونخليها شوية و نصفيها ونقطعها
كناخد مقلة كبيرة و نعمل فيها شوية الزيت و الزبدة و نشحر الفرمسيل و الربيع و التومة و العطرية و الحامض و الزيتون وكنور الحوت و الشامبنيون و نشحر الكل شوية منبعد خارج النار نزيد الحوت الابيض و الكروفيت كنخلي الحشوة تبرد
المونطاج ههههه=
كناخدو السر ديالنا اللي هو الغطاء اوني قلت ليكم مترميو تاحاجة كنقطعو الورقة الكبيرة على 4 وكنحطو الربع فوق الغطاء و نحطو الحشوة و الغطاء كيعطينا القياس غير يعمر و نحبسو و كنجمعو الاطراف بالبيض الورقة كنكونو داهنينها بالزبدة والزيت كنعاودو نحطو البسيطلة فوق ربع اخر الورقة ونقلبوها البسيطلة التحت و نعاودو نسدو بالبيض كنحطوهم فطاوة مدهونة و نعاودو ندهنهم بالزيت و الزبدة و البيض و نطيبوهم و بالصحة و الراحة راه كيجيو لداد نتمنى نكون توفقت فالشرح
غنعطيكم واحد السر باش يجيوكم البسيطلات مقادين و مهازينش بزاف العمارة يعني اقتصاديين المهم انا مصورتش الطريقة غنقولها غير بفمي حيت مساليتش نصور المراحل و غنشرح و الكل غيفهم
ندوزو للصور و من بعد المقادير و الطريقة
المقادير=
حسب عدد البسيطلات انا غنعطيكم مقادير 22 بسيطلة
البكية الفرميسيل الحمراء اللي كيكونو فيها 8 كناخدو منها 2 وحيدات حيت البكية الزرقاء كتعجن الحمراء احسن
حك شامبنيون زلافة صغيرة من الحوت ابيض اي نوع عندكم ميرنا فرخ ادا لم يتوفر نعملو فبلاصتو هبرة بيبي كتجي بحال الحوت
رابعة كروفيت منقي
نص كيلو الورقة
شوية الزبدة و الزيت و البيض مطرب باش نلصقو
2 ضريسات تومة محكوكة شوية الربيع مقطع رقيق كنور الحوت ملح ابزار كمون هريسة تحميرة و نص حامضة مرقدة مقطعة رقيقة و زيتون اخضر مقطع رقيق
الطريقة =
كناخدو شوية الزبدة نشحرو فيها الكروفيت مع قليل من الملح و الابزار نهزوالكروفيت و نشحرو الشمبنيون حتى هو الحوت كنبخروه و نفرتتوه اما الا كان الهبرة بيبي كنصلقوها منكتروش الماء ونعملو معاه شوية صوجا حبات قرنفل وورقة موسى و نص بصلة نخليوه حتى يوكح الماء عاد نفرتتوه كيجي منسم غزال و كنفرتتوه
الفرمسيل كنكب عليها الماء طايب ونخليها شوية و نصفيها ونقطعها
كناخد مقلة كبيرة و نعمل فيها شوية الزيت و الزبدة و نشحر الفرمسيل و الربيع و التومة و العطرية و الحامض و الزيتون وكنور الحوت و الشامبنيون و نشحر الكل شوية منبعد خارج النار نزيد الحوت الابيض و الكروفيت كنخلي الحشوة تبرد
المونطاج ههههه=
كناخدو السر ديالنا اللي هو الغطاء اوني قلت ليكم مترميو تاحاجة كنقطعو الورقة الكبيرة على 4 وكنحطو الربع فوق الغطاء و نحطو الحشوة و الغطاء كيعطينا القياس غير يعمر و نحبسو و كنجمعو الاطراف بالبيض الورقة كنكونو داهنينها بالزبدة والزيت كنعاودو نحطو البسيطلة فوق ربع اخر الورقة ونقلبوها البسيطلة التحت و نعاودو نسدو بالبيض كنحطوهم فطاوة مدهونة و نعاودو ندهنهم بالزيت و الزبدة و البيض و نطيبوهم و بالصحة و الراحة راه كيجيو لداد نتمنى نكون توفقت فالشرح
0 commentaires:
Enregistrer un commentaire