الرايب ساهل و لذيذ و باشكال مختلفة

السلام عليكم رمضان مبارك الله يدخل علينا بالمغفرة و التواب و الصحة و السلامة
هاد الرايب ساهل و تيجي غزال حسن من ديال الزنقة نتمنى تجربوه و يعجبكم



المقادير

1 لتر حليب
1 دانون فاني من الاحسن يكون عادي ماشي كريمي
3 معالق كبار نيدو
4 معالق كبار سنيدة أو حسب الذوق
1 فاني



نقسم الحليب نصف لتر نخلط معاه جميع المقادير و النصف الاخر نفيضوه



نفيض الحليب



هنا خلطنا المقادير



نكب الحليب الفايض على الاخر



و نخلط مزيان و نكبوهم ف كيسان



نكب الما طايب في الكوكوط



نحط الكيسان و نسد الكوكوط بصفارة ايلا كان الحال بارد نغطيها بشي مالطة و نخليه ليلة كاملة 12 ساعة كلما خليتوه كلما مزيان انا كنديرو بالليل حتا الصباح عاد نحطو فالثلاجة
ممكن ديرو فقاع الكاس نكهة أو سيرو و تكبو الخليط



هاهو ملي برد تيجي عاقد و ممكن تزوقوه حسب الرغبة او تخليوه طبيعي و بالصحة و الراحة